ولو إنو مش إنجاز
, إنك تدافش بنت أثيوبية وتطلع قبلها على الباص , إلا إني مقدرتش أخليها تطلع قبلي
لإنها بتنظرلي نظرة إني مواطنة درجة رابعة إذا مش خامسة وكأنها بتقلي أنا هون خاوا
عنك وعن الناس الي انا ماخدة محلهن الي تهجرو للمخيمات , دفشتها وطلعت كان قدامي جندي
ووراي جندي :
وين بتخدم إنت ؟؟
ليش بتسأل ؟
بتخدم بالجلمة؟
لأ بمعلي أدوميم
أووه , الله يعينك , أنا كمان أسبوع راجع على البيت
رح أخلص خدمتي الحمد لله ..
نيالك ..
ضحكت بيني وبين
حالي , يلعن أبو هيك إحتلال المصيبة محسوبين علينا إحتلال , المصيبة الأكبر إنو مش
قادرينلهن , مش قادرين لجندي بحكي بكل فرحة الحمد لله ( بروخ هشم ) رح أرجع على البيت
, والتاني حاسدو كمان ,, على كل حال طمنتوني وتأكدت أكتر إنكو شعب جبان , الله يلعن
أبو الي خلفك هاي إزا كنت بتعرفو ..
ليست هناك تعليقات:
إرسال تعليق